Գեղամա լեռները ուսումնասիրելու 4 պատճառ
Շնորհիվ իր տարբերվող լանդշաֆտի, ամենաբարձր լեռան ՝ Աժդահակի, բարձրալեռնային լճերի, ժայռապատկերների ու վիշաքարերի, Գեղամա լեռնաշղթան դեպի իրեն է ձգում ակտիվ հանգստի սիրահարներին։ Ահա 4 պատճառ, թե ինչու բարձրանալ Գեղամա լեռների ամենաբարձր գագաթը և ուսումնասիրել հպարտ Գեղամա լեռնազանգվածը։
Օֆֆրոուդ արկածներ
Գեղամա լեռնաշղթայի քարքարոտ ու վայրի բնապատկերները իսկական դրախտ են օֆֆրոուդի սիրահարների համար։ Այստեղ հասնելը պահանջում է ամուր և բարձր անցանելիության տրանսպորտային միջոցներ։ Ամենահայտնի օֆֆրոուդ ուղղություններից են Աժդահակի և Պայտասարի ստորոտները, Ակնա լիճը և Վիշապալիճը, որոնք հիանալի վայր են նաև քեմփինգի համար։ Իսկ առավել փորձառու վարորդների համար Նազելի լիճ տանող ճանապարը առաջարկում է թե՛ ադրենալին, և թե՛ անզուգական տեսարաններ։
Նոյեմբերի մի ձյունառատ օր Գեղամա լեռներում
Աժդահակ լեռան նվաճման գայթակղությունը
3,597 մ բարձրությամբ Աժդահակը հրաշալի ընտրություն է արշավասերների համար։ Դասական երթուղին սկսվում է Պայտասարի ստորոտից՝ 3000 մետր բարձրությունից՝ անցնելով ալպյան մարգագետիններով, հրաբխային լանդշաֆտներով ու քարքարոտ արահետներով։ Գագաթը նվաճելուց հետո բացվում է տպավորիչ տեսարան դեպի Աժդահակի խառնարանային լիճը, Ակնա լիճը, Վիշապալիճը, իսկ հեռվում ուրվագծվում է նաև Սևանը։ Երկօրյա կամ բազմօրյա արշավների սիրահարների համար Գեղամա լեռները առաջարկում են հիանալի երթուղիներ։
Աժդահակ լեռը թռչնի թռիչքի բարձրությունից
Պատմական ու հնագիտական կարևորությունը
Գեղամա լեռները հարուստ են ժայռապատկերներով և վիշապաքարերով։ Ժայռապատկերները պատկերում են մարդու վաղ շրջանի կյանք, երկնային մարմիններ, կենդանիներ և խորհրդանշաններ։ Վիշապաքարերը կամ վիշապները, քարե մենհիրներ են, որոնք հիմնականում հանդիպում են բարձրալեռնային ջրավազանների մոտ։ Համարվում է, որ դրանք կապված են ջրի պաշտամունքի հնագույն ավանդույթների հետ։ Այս հնագիտական գտածոները ոչ միայն պատմական մեծ արժեք ունեն, այլև վկայում են տարածաշրջանում հնագույն մարդկային և կենդանական ներկայության մասին։
Գեղամա լեռների վիշապները
Բազմազան բուսական և կենդանական աշխարհ
Գեղամա լեռներն ունեն բազմաշերտ էկոհամակարգ՝ հարուստ եզակի բուսատեսակներով և կենդանական աշխարհով։ Այստեղ հանդիպում են հազվագյուտ բույսեր, ինչպես օրինակ՝ «սիրամարգի աչք» և «ոսկյա զամբյուղ» ծաղիկները։ Կենդանական աշխարհը ներառում է հսկայական արծիվներ, անգղեր, աղվեսներ, գայլեր և տարբեր սողուններ։ Այս կենսաբազմազանությունը Գեղամա լեռները դարձնում է հիանալի վայր բնության սիրահարների և ուսումնասիրողների համար։
Սիրամարգի վարդագույն աչք (Dianthus pavonius)
Լուսանկարներ
You May Also Like
Guide in Armenia
Modernist architecture in the Soviet Union
A Visit to the Mikhail Khergiani Museum
The Tallest Stalin Statue Ever Erected
A Hike to the Chalaadi Glacier
The Real Story Behind the Movie The Lost City of Z
Khash – One of the Most Unusual Armenian Dishes
Hiking Guide to Climbing Mount Azhdahak
