Մեկօրյա արշավ դեպի Արա լեռ

Արայի լեռը մյուս լեռնաշղթաներից համեմատաբար մեկուսի է գտնվում և ունի 2577 մետր բարձրություն: Չնայած այն հանգամանքին, որ լեռը նույնիսկ մոտ էլ չէ 3000 մետր բարձրությանը, այն ունի բավականին տպավորիչ հարաբերական բարձրություն։ Եթե հարաբերական բարձրությունը հաշվարկենք ստորոտից, որտեղից սովորաբար սկսվում է արշավը, ապա այն կազմում է 870 մ։ Համեմատության համար նշենք, որ օրինակ Արագածի Հարավային գագաթ (3888 մետր) հասնելու համար հարկավոր է հավաքել 688 մետր հարաբերական բարձրություն։ Լեռն աչքի է ընկնում բուսական աշխարհի զարմանալի բազմազանությամբ. այստեղ գրանցված է անոթավոր բույսերի 650 տեսակ, ինչը կազմում է Հայաստանի ողջ բուսականության 20%-ը: Լեռան լանջերին հանդիպում են կիսաանապատային, տափաստանային, մարգագետնային և անտառային գոտիներ՝ ներկայացնելով Հայաստանի բնական միջավայրի գրեթե ողջ սպեկտրը:

Տեսարան դեպի Արա լեռ՝ Ապարանի ջրամբարից

Լեռն աչքի է ընկնում նաև հարուստ կենդանական աշխարհով․ կան բազմաթիվ թռչուններ, սողուններ, կրծողներ, ինչպես նաև խոշոր կաթնասուններ, այդ թվում՝ արջեր, գայլեր և աղվեսներ:

Ի՞նչ է ձեզ սպասվում․

• Վերելք դեպի գագաթ. գագաթից բացվում է անկրկնելի տեսարան դեպի Ապարանի ջրամբար և Արագած լեռ։

• Բուսական գոտիների ուսումնասիրություն. անցում կիսաանապատներից դեպի ծաղկուն մարգագետիններ և անտառներ:

• Կենսաբազմազանություն. հազվագյուտ բուսատեսակների և թռչունների դիտարկում:

• Անդորր բնության գրկում. կհեռանանք քաղաքի աղմուկից և կվայելենք բնության խաղաղությունը:

Անկախ նրանից՝ դուք փորձառու արշավական եք, բնության սիրահար, թե պարզապես ցանկանում եք վայելել Հայաստանի խաղաղ ու գեղեցիկ բնապատկերները, դեպի Արա լեռ իրականացրած արշավը խոստանում է անմոռանալի տպավորություններ։

-----------------------

Տուրի մանրամասները՝

• Մեկնարկը Երևանից՝ 07:30–08:00

• Ավարտը Երևանում՝ մոտ 17:00

• Քայլարշավի ընդհանուր երկարությունը՝ 11 կմ

• Հարաբերական բարձրություն՝ 870 մ

• Տևողություն (մինչև գագաթ)՝ մոտ 3 ժամ

• Մեկնարկային կետ՝ Արա լեռան ստորոտ

• Արշավի ավարտը՝ Արա լեռան ստորոտ

• Հեռավորությունը մինչև մեկնարկային կետը Երևանից (Հանրապետության Հրապարակ)՝ 35 կմ

• Բարդությունը՝ միջին

• Երթուղու տեսակը՝ շրջանաձև

• Տրանսպորտ՝ իմ ավտոմեքենան Mitsubishi Pajero 4 է

---------------

Արժեքը՝

• 1-4 անձ: 90,000 դրամ

• Ավելի մեծ խմբերի դեպքում խնդրում ենք կապ հաստատել մանրամասներին ծանոթանալու համար:

-------------

Գինը ներառում է՝

• Մեկնարկ և վերադարձ ձեր բնակության վայր (Երևանի սահմաններում)

• Տրանսպորտային ծախսեր (օդորակիչով մեքենա)

• Ուղեկցորդի ծառայություններ

-------------------

Գինը չի ներառում՝

• Տեղափոխում օդանավակայանից/օդանավակայան

• Ապահովագրություն

• Ճաշ (հավելավճարի դեպքում կարող ենք ապահովել lunchbox-եր)

________________________________________

Ի՞նչ վերցնել ձեզ հետ։

• Ուսապարկ – ամուր և հարմար ուսապարկ՝ բոլոր անհրաժեշտ իրերը տեղափոխելու համար։

• Ջուր – բավարար քանակությամբ ջուր՝ ամբողջ արշավի ընթացքում ջրազրկումից խուսափելու համար (առնվազն 1.5 լիտր)։

• Սնունդ – թեթև և բարձր կալորիականությամբ սնունդ՝ էներգիան պահպանելու համար։

• Հագուստ – հագնվեք շերտերով, պարտադիր ունեցեք ջրակայուն և քամուց պաշտպանող արտաքին շերտ։ Երկրորդ զույգ գուլպաներ ու կոշիկներ ունենալը ցանկալի է։

• Արշավային կոշիկներ – Տեղանքաին համապատասխան հարմարավետ և ամուր կոշիկներ։

• Առաջին օգնության դեղատուփ– ես ունեմ իմը, սակայն եթե օգտագործում եք հատուկ դեղամիջոցներ, անպայման վերցրեք ձեզ հետ։

• Արևապաշտպան միջոցներ – արևապաշտպան քսուք, արևային ակնոց և գլխարկ՝ ուլտրամանուշակագույն ճառագայթներից պաշտպանվելու համար։

• Գլխի կամ ձեռքի լապտեր – պարտադիր է վատ լուսավորության պայմաններում կամ գիշերակացով արշավների ժամանակ։

• Սուլիչ – բարձր ձայն ունեցող սուլիչ՝ արտակարգ իրավիճակներում ուշադրություն գրավելու համար։

• Արշավային ձեռնափայտեր – նրանք կապահովեն հավելյալ կայունություն բարդ տեղանքներով անցնելու համար։

• Անձրևանոց / ջրակայուն բաճկոն – թեթև և ջրակայուն բաճկոն կամ պոնչո՝ անձրևի ժամանակ չթրջվելու համար։

• Աղբի տոպրակ – փոքր տոպրակ՝ ձեր աղբը ձեզ հետ տանելու և արահետը մաքուր պահելու համար։

Հիշեք՝ այս ցանկը կարող է փոխվել՝ կախված արշավի տևողությունից և բարդությունից, եղանակային պայմաններից ու անձնական կարիքներից։ Բայց սրանք այն հիմնական իրերն են, որոնք ես հատուկ ցանկացա ընդգծել։