Ապարանի ջրամբարի շրջանաձև արահետը

Ապարանի ջրամբարի շրջանաձև արահետը վերջին տարիներին դարձել է բավականին հայտնի քայլարշավային ուղղություն։ Այն կարելի է անցնել տարվա բոլոր եղանակներին, չնայած որ ձմռանը, առատ ձյան հետևանքով որոշ հատվածներ կարող են լինել դժվարանցանելի։

Ջրամբարը կառուցվել է 1962–1967 թվականներին, իսկ մակերեսը կազմում է 7,9 քառակուսի կիլոմետր։ Շինարարության ժամանակ Քասախ և Զովունի գյուղերը տեղափոխվել են Երևանի մերձակայք։

1967 թվականին 5-րդ դարում կառուցված երկու փոքր եկեղեցիները՝ Սուրբ Վարդանը և Թուխ Մանուկը, տեղափոխվել են անվտանգ վայր։

Իսկ 4-րդ դարում կառուցված Սուրբ Պողոս–Պետրոս բազիլիկան տարվա ընթացքում մոտ 3–4 ամիս մասամբ հայտնվում է ջրի տակ։

Ամբողջ արշավի ընթացքում ձեզ կուղեկցի Արագած լեռան վսեմաշուք տեսքը

Մի անգամ ձմռանը Ապարանի շրջանաձև արահետի վրա

Երթուղին բաժանված է երկու մասի՝ Մեծ շրջանաձև արահետի և Փոքր շրջանաձև արահետի։ Առաջինը համեմատաբար ավելի բարդ է․ կան կտրուկ վերելքներ, սակայն երկու երթուղիներն էլ անցնում են գեղեցիկ սոճու անտառներով և ալպյան մարգագետիններով։

------------------------

Տուրի մանրամասները՝

• Մեկնարկը Երևանից՝ 07:30–08:00

• Ավարտը Երևանում՝ մոտ 17:00

• Մեծ օղակաձև արահետ՝ 5.4 կմ (մեկ ուղղությամբ)

• Փոքր օղակաձև արահետ՝ 4.9 կմ (մեկ ուղղությամբ)

• Տևողություն՝ մոտ 5 ժամ

• Բարձրության հավաքում՝ 195 մ

• Բարդության աստիճան՝ միջին

• Երթուղու տեսակը՝ օղակաձև

• Տրանսպորտ՝ Իմ մեքենան Mitsubishi Pajero 4 է

---------------

Արժեքը՝

• 1-4 անձ: 80,000 դրամ

• Ավելի մեծ խմբերի դեպքում խնդրում ենք կապ հաստատել մանրամասներին ծանոթանալու համար:

-------------

Գինը ներառում է՝

• Մեկնարկ և վերադարձ ձեր բնակության վայր (Երևանի սահմաններում)

• Տրանսպորտային ծախսեր (օդորակիչով մեքենա)

• Ուղեկցորդի ծառայություններ

-------------------

Գինը չի ներառում՝

• Տեղափոխում օդանավակայանից/օդանավակայան

• Ապահովագրություն

• Ճաշ (հավելավճարի դեպքում կարող ենք ապահովել lunchbox-եր)

________________________________________

Ի՞նչ վերցնել ձեզ հետ։

• Ուսապարկ – ամուր և հարմար ուսապարկ՝ բոլոր անհրաժեշտ իրերը տեղափոխելու համար։

• Ջուր – բավարար քանակությամբ ջուր՝ ամբողջ արշավի ընթացքում ջրազրկումից խուսափելու համար (առնվազն 1.5 լիտր)։

• Սնունդ – թեթև և բարձր կալորիականությամբ սնունդ՝ էներգիան պահպանելու համար։

• Հագուստ – հագնվեք շերտերով, պարտադիր ունեցեք ջրակայուն և քամուց պաշտպանող արտաքին շերտ։ Երկրորդ զույգ գուլպաներ ու կոշիկներ ունենալը ցանկալի է։

• Արշավային կոշիկներ – Տեղանքաին համապատասխան հարմարավետ և ամուր կոշիկներ։

• Առաջին օգնության դեղատուփ– ես ունեմ իմը, սակայն եթե օգտագործում եք հատուկ դեղամիջոցներ, անպայման վերցրեք ձեզ հետ։

• Արևապաշտպան միջոցներ – արևապաշտպան քսուք, արևային ակնոց և գլխարկ՝ ուլտրամանուշակագույն ճառագայթներից պաշտպանվելու համար։

• Գլխի կամ ձեռքի լապտեր – պարտադիր է վատ լուսավորության պայմաններում կամ գիշերակացով արշավների ժամանակ։

• Սուլիչ – բարձր ձայն ունեցող սուլիչ՝ արտակարգ իրավիճակներում ուշադրություն գրավելու համար։

• Արշավային ձեռնափայտեր – նրանք կապահովեն հավելյալ կայունություն բարդ տեղանքներով անցնելու համար։

• Անձրևանոց / ջրակայուն բաճկոն – թեթև և ջրակայուն բաճկոն կամ պոնչո՝ անձրևի ժամանակ չթրջվելու համար։

• Աղբի տոպրակ – փոքր տոպրակ՝ ձեր աղբը ձեզ հետ տանելու և արահետը մաքուր պահելու համար։

Հիշեք՝ այս ցանկը կարող է փոխվել՝ կախված արշավի տևողությունից և բարդությունից, եղանակային պայմաններից ու անձնական կարիքներից։ Բայց սրանք այն հիմնական իրերն են, որոնք ես հատուկ ցանկացա ընդգծել։