Արշավ դեպի Տեսիլք լեռ և նրա լանջերին ծվարած քարանձավ

Տեսիլք լեռը գտնվում է Միափորի լեռնաշղթայի ճյուղերից մեկի վրա և հստակ տեսանելի է Իջևան քաղաքից։ Բնակավայրերից մոտ է Տավուշի մարզի Գանձաքար գյուղին։

Երիցուկների դաշտերի միջով քայլում եմ դեպի Տեսիլք լեռ

Լեռան լանջերին դեռ կարելի է տեսնել Բուդուրի ամրոցի ավերակները։ Արևելյան կողմում թաքնված է Տեսիլք լեռան խորհրդավոր քարանձավը։ Հունիսին ամբողջ արահետը զարդարված է երիցուկներով՝ ստեղծելով հեքիաթային մթնոլորտ։ Այն հարմար է քայլարշավների համար տարվա բոլոր եղանակներին։

------------------------

Տուրի մանրամասները`

Սկիզբը Երևանից՝ 07:30

Ավարտը Երևանում՝ մոտավորապես 18:00

Քայլարշավի երկարություն՝ 4.5 կմ (մեկ ուղղությամբ)

Տևողություն՝ մոտ 2 ժամ

Հարաբերական բարձրություն՝ 700 մ

Մեկնարկային կետ՝ Գանձաքար գյուղ

Վերջնակետ՝ Գանձաքար գյուղ

Բարդության աստիճան՝ միջին

Երթուղու տեսակը՝ գնալ–վերադառնալ (out-and-back)

Տրանսպորտ՝ Mitsubishi Pajero 4

---------------

Տուրի գինը դեպի Տեսիլք լեռ՝

Ընդհանուր գինը 1–4 մասնակցի համար՝ 90,000 ՀՀ դրամ է։

Մեծ խմբերի համար խնդրում ենք կապ հաստատել՝ լրացուցիչ մանրամասների համար։

 ----------------------

Գինը ներառում է՝

• Մեկնարկ և վերադարձ ձեր բնակության վայր (Երևանի սահմաններում)

• Տրանսպորտային ծախսեր (օդորակիչով մեքենա)

• Ուղեկցորդի ծառայություններ

-------------------

Գինը չի ներառում՝

• Տեղափոխում օդանավակայանից/օդանավակայան

• Ապահովագրություն

• Ճաշ (հավելավճարի դեպքում կարող ենք ապահովել lunchbox-եր)

________________________________________

Ի՞նչ վերցնել ձեզ հետ։

• Ուսապարկ – ամուր և հարմար ուսապարկ՝ բոլոր անհրաժեշտ իրերը տեղափոխելու համար։

• Ջուր – բավարար քանակությամբ ջուր՝ ամբողջ արշավի ընթացքում ջրազրկումից խուսափելու համար (առնվազն 1.5 լիտր)։

• Սնունդ – թեթև և բարձր կալորիականությամբ սնունդ՝ էներգիան պահպանելու համար։

• Հագուստ – հագնվեք շերտերով, պարտադիր ունեցեք ջրակայուն և քամուց պաշտպանող արտաքին շերտ։ Երկրորդ զույգ գուլպաներ ու կոշիկներ ունենալը ցանկալի է։

• Արշավային կոշիկներ – Տեղանքաին համապատասխան հարմարավետ և ամուր կոշիկներ։

• Առաջին օգնության դեղատուփ– ես ունեմ իմը, սակայն եթե օգտագործում եք հատուկ դեղամիջոցներ, անպայման վերցրեք ձեզ հետ։

• Արևապաշտպան միջոցներ – արևապաշտպան քսուք, արևային ակնոց և գլխարկ՝ ուլտրամանուշակագույն ճառագայթներից պաշտպանվելու համար։

• Գլխի կամ ձեռքի լապտեր – պարտադիր է վատ լուսավորության պայմաններում կամ գիշերակացով արշավների ժամանակ։

• Սուլիչ – բարձր ձայն ունեցող սուլիչ՝ արտակարգ իրավիճակներում ուշադրություն գրավելու համար։

• Արշավային ձեռնափայտեր – նրանք կապահովեն հավելյալ կայունություն բարդ տեղանքներով անցնելու համար։

• Անձրևանոց / ջրակայուն բաճկոն – թեթև և ջրակայուն բաճկոն կամ պոնչո՝ անձրևի ժամանակ չթրջվելու համար։

• Աղբի տոպրակ – փոքր տոպրակ՝ ձեր աղբը ձեզ հետ տանելու և արահետը մաքուր պահելու համար։

Հիշեք՝ այս ցանկը կարող է փոխվել՝ կախված արշավի տևողությունից և բարդությունից, եղանակային պայմաններից ու անձնական կարիքներից։ Բայց սրանք այն հիմնական իրերն են, որոնք ես հատուկ ցանկացա ընդգծել։