Արշավ դեպի Լաստիվերի քարանձավներ և ջրվեժ

Ճամփորդություն դեպի Լաստիվերի խորհրդավոր աշխարհ

Լաստիվերում գտնվում է երկհարկանի քարանձավ, որը տեղակայված է խորը կիրճի զառիթափ լանջին՝ Խաչաղբյուր գետի ձախ ափին։ Բարձր ծառերով, վեր խոյացող ժայռերով և գետի աղմուկով շրջապատված այս վայրը իսկապես հիշեցնում է հեքիաթ։ Սրան գումարենք նաև փայտյա, վհուկի խրճիթ հիշեցնող տնակները և հեքիաթի պատկերը կամբողջանա։

Լաստիվերի քարանձավները ծառայել են որպես ապաստարան տեղացիների համար 13–14-րդ դարերի մոնղոլական արշավանքների ժամանակ։ Քարանձավներ բարձրանալու և մի քարանձավից մյուսը հասնելու համար մարդիկ կառուցել են փայտե սանդուղքներ, արահետներ, որոնք հիշեցրել են լաստեր, ինչից էլ ծագել է վայրի անվանումը՝ «Լաստիվեր»։

Տարածքում կարելի է տեսնել նաև «հավի ոտքերի վրա կանգնած» տնակներ, որոնք էլ ավելի են ընդգծում այս վայրի հեքիաթային ու կախարդական մթնոլորտը։

Արվեստ և առեղծված

1970-ականներին քանդակագործ Բենիկ Պետրոսյանը քարանձավի պատերին քանդակել է հարթաքանդակներ՝ տարածքին հաղորդելով յուրահատուկ խորհրդավորություն։ Շատ այցելուներ սխալմամբ կարծում են, թե այդ քանդակները մեզ են հասել հնագույն ժամանակներից, ինչը ավելի է ուժեղացնում տեղանքի առեղծվածային հմայքը։

Կիրճի խորքում թաքնված է գեղատեսիլ ջրվեժ, որը Լաստիվերի կենդանի բնաշխարհի անբաժան մասն է։ Մաքուր և լավ խնամված միջավայրը գրավում է ինչպես էկոտուրիզմի սիրահարներին, այնպես էլ քայլարշավորդներին։

Թաքնված գանձից՝ սիրված ուղղություն

Լաստիվերը լայն ճանաչում ստացավ 2000-ականների սկզբին, երբ էկոտուրիզմի սիրահարները սկսեցին այստեղ կազմակերպել կանոնավոր այցելություններ։ Այսօր այն համարվում է պարտադիր ուղղություն թե՛ օտարերկրյա զբոսաշրջիկների, թե՛ տեղացիների համար և ընդգրկված է բազմաթիվ տուրիստական ընկերությունների քայլարշավային փաթեթներում։

Դուք էլ միացե՛ք այս անհատական տուրին և զգացե՛ք Լաստիվերի հմայքը։ Սա վայր է, որտեղ բնությունը, պատմությունն ու արվեստը միավորվում են մեկ անմոռանալի արկածի մեջ։

-----------------------

Տուրի մանրամասները՝

• Մեկնարկը Երևանից՝ 07:30–08:00

• Ավարտը Երևանում՝ մոտ 19:00

• Քայլարշավի երկարությունը՝ 3.5 կմ (մեկ ուղղությամբ)

• Մեկնարկային կետի հեռավորությունը Երևանից՝ 145 կմ

• Տևողություն՝ մոտ 2 ժամ (մեկ ուղղությամբ)

• Քայլարշավի սկիզբ՝ Apaga Resort

• Քայլարշավի ավարտ՝ Apaga Resort

• Դժվարության աստիճան՝ հեշտ

• Երթուղու տեսակը՝ Մեկնում և վերադարձ նույն տեղ

• Տրանսպորտ՝ սեդան

-------------

Տուրի գինը դեպի Լաստիվեր՝

Ընդհանուր գինը 1–4 մասնակցի համար՝ 90,000 ՀՀ դրամ է։

Լաստիվերի տարածք մուտք գործելու վճարը՝ 1,000 ՀՀ դրամ է մեկ անձի համար։

Մեծ խմբերի համար խնդրում ենք կապ հաստատել՝ լրացուցիչ մանրամասների համար։

 ----------------------

Գինը ներառում է՝

• Մեկնարկ և վերադարձ ձեր բնակության վայր (Երևանի սահմաններում)

• Տրանսպորտային ծախսեր (օդորակիչով մեքենա)

• Ուղեկցորդի ծառայություններ

-------------------

Գինը չի ներառում՝

• Տեղափոխում օդանավակայանից/օդանավակայան

• Ապահովագրություն

• Ճաշ (հավելավճարի դեպքում կարող ենք ապահովել lunchbox-եր)

________________________________________

Ի՞նչ վերցնել ձեզ հետ։

• Ուսապարկ – ամուր և հարմար ուսապարկ՝ բոլոր անհրաժեշտ իրերը տեղափոխելու համար։

• Ջուր – բավարար քանակությամբ ջուր՝ ամբողջ արշավի ընթացքում ջրազրկումից խուսափելու համար (առնվազն 1.5 լիտր)։

• Սնունդ – թեթև և բարձր կալորիականությամբ սնունդ՝ էներգիան պահպանելու համար։

• Հագուստ – հագնվեք շերտերով, պարտադիր ունեցեք ջրակայուն և քամուց պաշտպանող արտաքին շերտ։ Երկրորդ զույգ գուլպաներ ու կոշիկներ ունենալը ցանկալի է։

• Արշավային կոշիկներ – Տեղանքաին համապատասխան հարմարավետ և ամուր կոշիկներ։

• Առաջին օգնության դեղատուփ– ես ունեմ իմը, սակայն եթե օգտագործում եք հատուկ դեղամիջոցներ, անպայման վերցրեք ձեզ հետ։

• Արևապաշտպան միջոցներ – արևապաշտպան քսուք, արևային ակնոց և գլխարկ՝ ուլտրամանուշակագույն ճառագայթներից պաշտպանվելու համար։

• Գլխի կամ ձեռքի լապտեր – պարտադիր է վատ լուսավորության պայմաններում կամ գիշերակացով արշավների ժամանակ։

• Սուլիչ – բարձր ձայն ունեցող սուլիչ՝ արտակարգ իրավիճակներում ուշադրություն գրավելու համար։

• Արշավային ձեռնափայտեր – նրանք կապահովեն հավելյալ կայունություն բարդ տեղանքներով անցնելու համար։

• Անձրևանոց / ջրակայուն բաճկոն – թեթև և ջրակայուն բաճկոն կամ պոնչո՝ անձրևի ժամանակ չթրջվելու համար։

• Աղբի տոպրակ – փոքր տոպրակ՝ ձեր աղբը ձեզ հետ տանելու և արահետը մաքուր պահելու համար։

Հիշեք՝ այս ցանկը կարող է փոխվել՝ կախված արշավի տևողությունից և բարդությունից, եղանակային պայմաններից ու անձնական կարիքներից։ Բայց սրանք այն հիմնական իրերն են, որոնք ես հատուկ ցանկացա ընդգծել։