Վերելք Երանոս լեռ

Երանոս լեռը (1823 մ) գտնվում է Հայաստանի Արարատի մարզի հյուսիսային եզրին՝ Երանոսի լեռնաշղթայի արևմտյան հատվածում, Լանջազատ գյուղից մոտ 8 կմ հյուսիս-արևելք։

Բացի իր գրավիչ բնապատկերներից, Երանոս լեռը կարևոր դեր ունի նաև շրջանի էկոլոգիական հավասարակշռության պահպանման գործում։ Նրա լանջերը հանդիսանում են բազմաթիվ բուսական և կենդանական տեսակների կենսամիջավայր, այդ թվում՝ բեզոարյան այծերի, որոնց մի մասը ոչ միայն Հայաստանի համար էնդեմիկ է, այլև վտանգված է և ընդգրկված է Կարմիր գրքում։

Երանոս լեռը Ազատի ջրամբարից

Տուրի մանրամասներ

• Մեկնարկը Երևանից՝ 07:30–08:00

• Վերադարձ Երևան՝ մոտ 17:00

• Քայլարշավի երկարություն՝ 9 կմ (մեկ ուղղությամբ)

• Տևողություն՝ մոտ 4 ժամ (վերելք)

• Հարաբերական բարձրություն՝ 756 մ

• Արշավի սկիզբ՝ Երանոս լեռան ստորոտ (կհասնենք այդտեղ՝ Նորաշեն գյուղի կողմից)

• Արշավի ավարտ՝ Երանոս լեռան ստորոտ

• Բարդության աստիճան՝ դժվար

• Երթուղու տեսակը՝ գնալ–վերադառնալ

• Տրանսպորտ՝ Mitsubishi Pajero 4

---------------

Դեպի Երանոս լեռ արշավի արժեքը՝

• 1-4 անձ: 90,000 դրամ

• Ավելի մեծ խմբերի դեպքում խնդրում ենք կապ հաստատել մանրամասներին ծանոթանալու համար:

-------------

Գինը ներառում է՝

• Մեկնարկ և վերադարձ ձեր բնակության վայր (Երևանի սահմաններում)

• Տրանսպորտային ծախսեր (օդորակիչով մեքենա)

• Ուղեկցորդի ծառայություններ

-------------------

Գինը չի ներառում՝

• Տեղափոխում օդանավակայանից/օդանավակայան

• Ապահովագրություն

• Ճաշ (հավելավճարի դեպքում կարող ենք ապահովել lunchbox-եր)

________________________________________

Ի՞նչ վերցնել ձեզ հետ։

• Ուսապարկ – ամուր և հարմար ուսապարկ՝ բոլոր անհրաժեշտ իրերը տեղափոխելու համար։

• Ջուր – բավարար քանակությամբ ջուր՝ ամբողջ արշավի ընթացքում ջրազրկումից խուսափելու համար (առնվազն 1.5 լիտր)։

• Սնունդ – թեթև և բարձր կալորիականությամբ սնունդ՝ էներգիան պահպանելու համար։

• Հագուստ – հագնվեք շերտերով, պարտադիր ունեցեք ջրակայուն և քամուց պաշտպանող արտաքին շերտ։ Երկրորդ զույգ գուլպաներ ու կոշիկներ ունենալը ցանկալի է։

• Արշավային կոշիկներ – Տեղանքաին համապատասխան հարմարավետ և ամուր կոշիկներ։

• Առաջին օգնության դեղատուփ– ես ունեմ իմը, սակայն եթե օգտագործում եք հատուկ դեղամիջոցներ, անպայման վերցրեք ձեզ հետ։

• Արևապաշտպան միջոցներ – արևապաշտպան քսուք, արևային ակնոց և գլխարկ՝ ուլտրամանուշակագույն ճառագայթներից պաշտպանվելու համար։

• Գլխի կամ ձեռքի լապտեր – պարտադիր է վատ լուսավորության պայմաններում կամ գիշերակացով արշավների ժամանակ։

• Սուլիչ – բարձր ձայն ունեցող սուլիչ՝ արտակարգ իրավիճակներում ուշադրություն գրավելու համար։

• Արշավային ձեռնափայտեր – նրանք կապահովեն հավելյալ կայունություն բարդ տեղանքներով անցնելու համար։

• Անձրևանոց / ջրակայուն բաճկոն – թեթև և ջրակայուն բաճկոն կամ պոնչո՝ անձրևի ժամանակ չթրջվելու համար։

• Աղբի տոպրակ – փոքր տոպրակ՝ ձեր աղբը ձեզ հետ տանելու և արահետը մաքուր պահելու համար։

Հիշեք՝ այս ցանկը կարող է փոխվել՝ կախված արշավի տևողությունից և բարդությունից, եղանակային պայմաններից ու անձնական կարիքներից։ Բայց սրանք այն հիմնական իրերն են, որոնք ես հատուկ ցանկացա ընդգծել։