Արշավ դեպի Սմբատաբերդ

Սմբատաբերդը Հայաստանի ամենալավ պահպանված միջնադարյան բերդերից մեկն է։ Այն ունի եռանկյուաձև կառուցվածք և զբաղեցնում է մոտ 2 հեկտար տարածք։

Սմբատաբերդի պատերը, որոնք 2–3 մետր հաստություն ունեն, կառուցված են կոպտատաշ բազալտե քարերից, իսկ կամարավոր մուտքերը պատրաստված են ավելի լավ հղկված քարերից։

Ամրոցը բաժանված է հյուսիսային և հարավային մասերի, որոնցում պահպանվել են միջնաբերդի, բնակելի շենքերի, ջրավազանների ավերակներ։ Ջուրը բերվել է Ցաղաց Քար վանական համալիրի մոտ գտնվող աղբյուրներից՝ ջրմուղով։

Եղեգիս գյուղից հեռավորությունը մինչև ամրոց 2.5 կմ է, իսկ քայլարշավը տևում է մոտ մեկ ժամ։

Սմբատաբերդից բացվող տեսարանը

Այնուհետև կշարունակենք ճանապարհը դեպի Ցաղաց Քարի վանական համալիր, որը գտնվում է Սմբատաբերդից մոտ 3.5 կմ հեռավորության վրա (մոտ 1.5 ժամ քայլարշավ)։ Ցաղաց Քար համալիրը բաղկացած է երկու մասից, որոնք գտնվում են 200 մետր հեռավորության վրա։

Ցաղաց Քարի խաչքարերի մոտ

Ցաղաց Քար համալիրի տարածքում այցելուները կարող են տեսնել Սուրբ Հովհաննես եկեղեցին, որը կառուցվել է 989 թվականին, Սուրբ Կարապետ եկեղեցին, որը թվագրվում է 10-րդ դարով, և բազմաթիվ այլ կառույցներ, որոնք այժմ գտնվում են կիսաքանդ վիճակում։ Այնուհետև իջնելու ենք Եղեգիս գյուղ և ավարտելու ենք քայլարշավը Զորաց տաճարի մոտ։

Զորաց տաճար․ արշավը ավարտվում է այստեղ

Զորաց տաճարը գտնվում է Եղեգիս գյուղից արևելք՝ գեղատեսիլ կիճի եզրին։ Այն կառուցվել է 1303 թվականին Թարսայիչ Օրբելյանի թոռան՝ Ստեփանոս Տարսայիճ եպիսկոպոսի կողմից։

Եկեղեցին առանձնահատուկ է իր բարձր խորանով, որը թույլ էր տալիս զինված հեծյալներին առանց թամբից իջնելու մոտենալ խորանին և ստանալ օրհնություն։ Խորհուրդ է տրվում չընտրել այս երթուղին ամռան շոգ ամիսներին։

--------------------

Արշավի մանրամասները՝

• Սկիզբը Երևանից՝ 07:30

• Վերադարձ Երևան՝ մոտ 18:00

• Քայլարշավի երկարություն՝ 10 կմ (2.5 կմ Եղեգիս գյուղից մինչև Սմբատաբերդ, 3.5 կմ Սմբատաբերդից մինչև Ցաղաց քար, և ևս 3.5 կմ մինչև Զորաց եկեղեցի)

• Տևողություն՝ 5–6 ժամ

• Բարձրության հավաքում՝ 600 մ

• Արշավի սկիզբ՝ Եղեգիս գյուղ

• Ավարտ՝ Եղեգիս գյուղ (Զորաց եկեղեցի)

• Դժվարության աստիճան՝ միջին

• Երթուղու տեսակը՝ շրջանաձև, գնալ–վերադառնալ ճյուղավորումներով

• Տրանսպորտ՝ Mitsubishi Pajero 4

---------------

Արժեքը

• Ամբողջական գինը 1–4 մասնակցի համար՝ 90,000 ՀՀ դրամ։

• Ավելի մեծ խմբերի դեպքում խնդրում ենք կապ հաստատել մանրամասներին ծանոթանալու համար:

-------------

Գինը ներառում է

• Մեկնարկ և վերադարձ ձեր բնակության վայր (Երևանի սահմաններում)

• Տրանսպորտային ծախսեր (օդորակիչով մեքենա)

• Ուղեկցորդի ծառայություններ

-------------------

Գինը չի ներառում

• Տեղափոխում օդանավակայանից/օդանավակայան

• Ապահովագրություն

• Ճաշ (հավելավճարի դեպքում կարող ենք ապահովել lunchbox-եր)

________________________________________

Ի՞նչ վերցնել ձեզ հետ

• Ուսապարկ – ամուր և հարմար ուսապարկ՝ բոլոր անհրաժեշտ իրերը տեղափոխելու համար։

• Ջուր – բավարար քանակությամբ ջուր՝ ամբողջ արշավի ընթացքում ջրազրկումից խուսափելու համար (առնվազն 1.5 լիտր)։

• Սնունդ – թեթև և բարձր կալորիականությամբ սնունդ՝ էներգիան պահպանելու համար։

• Հագուստ – հագնվեք շերտերով, պարտադիր ունեցեք ջրակայուն և քամուց պաշտպանող արտաքին շերտ։ Երկրորդ զույգ գուլպաներ ու կոշիկներ ունենալը ցանկալի է։

• Արշավային կոշիկներ – Տեղանքաին համապատասխան հարմարավետ և ամուր կոշիկներ։

• Առաջին օգնության դեղատուփ– ես ունեմ իմը, սակայն եթե օգտագործում եք հատուկ դեղամիջոցներ, անպայման վերցրեք ձեզ հետ։

• Արևապաշտպան միջոցներ – արևապաշտպան քսուք, արևային ակնոց և գլխարկ՝ ուլտրամանուշակագույն ճառագայթներից պաշտպանվելու համար։

• Գլխի կամ ձեռքի լապտեր – պարտադիր է վատ լուսավորության պայմաններում կամ գիշերակացով արշավների ժամանակ։

• Սուլիչ – բարձր ձայն ունեցող սուլիչ՝ արտակարգ իրավիճակներում ուշադրություն գրավելու համար։

• Արշավային ձեռնափայտեր – նրանք կապահովեն հավելյալ կայունություն բարդ տեղանքներով անցնելու համար։

• Անձրևանոց / ջրակայուն բաճկոն – թեթև և ջրակայուն բաճկոն կամ պոնչո՝ անձրևի ժամանակ չթրջվելու համար։

• Աղբի տոպրակ – փոքր տոպրակ՝ ձեր աղբը ձեզ հետ տանելու և արահետը մաքուր պահելու համար։

Հիշեք՝ այս ցանկը կարող է փոխվել՝ կախված արշավի տևողությունից և բարդությունից, եղանակային պայմաններից ու անձնական կարիքներից։ Բայց սրանք այն հիմնական իրերն են, որոնք ես հատուկ ցանկացա ընդգծել։