Քայլարշավ դեպի Թղիթ կիկլոպյան ամրոց

Եթե դուք այն արշավականներից եք, ովքեր ցանկանում են դուրս գալ սովորական երթուղիներից և բացահայտել ոչ պոպուլյար քայլարշավային ուղղություններ, ապա այս արահետը հենց ձեզ համար է։

Թղիթի կիկլոպյան ամրոցը ուշ բրոնզի և վաղ երկաթի դարաշրջանի ամրոց է, որը գտնվում է Թեղենիք գյուղից 2.5 կմ արևմուտք՝ Կոտայքի մարզում, Ծաղկունյաց լեռնաշղթայի անտառապատ գագաթներից մեկի վրա։

Խիտ թփերը խանգարում էին իմ առաջընթացը, բայց այստեղ արդեն ընդամենը մի քանի մետր է ինձ բաժանում Թղիթի կիկլոպյան ամրոցը նվաճելուց

Թղիթի կիկլոպյան ամրոցը հայտնաբերվել է 1975 թվականին՝ Հայկական ԽՍՀ Գիտությունների ակադեմիայի արվեստի, հնագիտության և ազգագրության ինստիտուտների համատեղ հնագիտական արշավախմբի և Երևանի պետական համալսարանի Հայագիտության կենտրոնի կողմից։

Ամրոցը ներառում է պարսպապատ բնակավայր, ջրամբար և դամբարաններ՝ զբաղեցնելով մոտ 1 հեկտար տարածք։ Ես կանգնած էի այնտեղ՝ հիացած դիտելով ու մտորելով, թե ինչպես են մեր նախնիները կարողացել կառուցել պատեր, որոնք հազարավոր տարիներ դիմացել են ժամանակի փորձությանը։ Որոշ հատվածներում պահպանված պարիսպների և աշտարակների բարձրությունը գերազանցում է 6 մետրը։ Ամրոցն ունեցել է 2 մուտք․ գխավոր դարպասի լայնությունը մոտ 5 մետր է։

Սրճում եմ Թղիթի կիկլոպյան ամրոցի ավերակների մեջ

Մինչ այժմ տարածքում լայնածավալ պեղումներ չեն իրականացվել, այն դեռևս պահանջում է հետագա ուսումնասիրություն և հետազոտություն՝ որպեսզի ավելին իմանանք այս բացառիկ հուշարձանի մասին։

--------------------

Տուրի մանրամասներ՝

Սկիզբը Երևանից՝ 07:30–08:00

Ավարտը Երևանում՝ մոտավորապես 16:00–17:00

Քայլարշավի երկարություն՝ 5 կմ (մեկ ուղղությամբ)

Տևողություն՝ 2.5–3 ժամ (վերելք)

Հարաբերական բարձրություն՝ 640 մ

Մեկնարկային կետ՝ Թեղենիք գյուղ

Վերջնակետ՝ Թեղենիք գյուղ

Բարդության աստիճան՝ միջին

Երթուղու տեսակը՝ գնալ–վերադառնալ (out-and-back)

Տրանսպորտ՝ Mitsubishi Pajero 4

---------------

Տուրի գինը դեպի Թղիթ կիկլոպյան ամրոց՝

Ընդհանուր գինը 1–4 մասնակցի համար՝ 90,000 ՀՀ դրամ է։

Մեծ խմբերի համար խնդրում ենք կապ հաստատել՝ լրացուցիչ մանրամասների համար։

 ----------------------

Գինը ներառում է՝

• Մեկնարկ և վերադարձ ձեր բնակության վայր (Երևանի սահմաններում)

• Տրանսպորտային ծախսեր (օդորակիչով մեքենա)

• Ուղեկցորդի ծառայություններ

-------------------

Գինը չի ներառում՝

• Տեղափոխում օդանավակայանից/օդանավակայան

• Ապահովագրություն

• Ճաշ (հավելավճարի դեպքում կարող ենք ապահովել lunchbox-եր)

________________________________________

Ի՞նչ վերցնել ձեզ հետ

• Ուսապարկ – ամուր և հարմար ուսապարկ՝ բոլոր անհրաժեշտ իրերը տեղափոխելու համար։

• Ջուր – բավարար քանակությամբ ջուր՝ ամբողջ արշավի ընթացքում ջրազրկումից խուսափելու համար (առնվազն 1.5 լիտր)։

• Սնունդ – թեթև և բարձր կալորիականությամբ սնունդ՝ էներգիան պահպանելու համար։

• Հագուստ – հագնվեք շերտերով, պարտադիր ունեցեք ջրակայուն և քամուց պաշտպանող արտաքին շերտ։ Երկրորդ զույգ գուլպաներ ու կոշիկներ ունենալը ցանկալի է։

• Արշավային կոշիկներ – Տեղանքաին համապատասխան հարմարավետ և ամուր կոշիկներ։

• Առաջին օգնության դեղատուփ– ես ունեմ իմը, սակայն եթե օգտագործում եք հատուկ դեղամիջոցներ, անպայման վերցրեք ձեզ հետ։

• Արևապաշտպան միջոցներ – արևապաշտպան քսուք, արևային ակնոց և գլխարկ՝ ուլտրամանուշակագույն ճառագայթներից պաշտպանվելու համար։

• Գլխի կամ ձեռքի լապտեր – պարտադիր է վատ լուսավորության պայմաններում կամ գիշերակացով արշավների ժամանակ։

• Սուլիչ – բարձր ձայն ունեցող սուլիչ՝ արտակարգ իրավիճակներում ուշադրություն գրավելու համար։

• Արշավային ձեռնափայտեր – նրանք կապահովեն հավելյալ կայունություն բարդ տեղանքներով անցնելու համար։

• Անձրևանոց / ջրակայուն բաճկոն – թեթև և ջրակայուն բաճկոն կամ պոնչո՝ անձրևի ժամանակ չթրջվելու համար։

• Աղբի տոպրակ – փոքր տոպրակ՝ ձեր աղբը ձեզ հետ տանելու և արահետը մաքուր պահելու համար։

Հիշեք՝ այս ցանկը կարող է փոխվել՝ կախված արշավի տևողությունից և բարդությունից, եղանակային պայմաններից ու անձնական կարիքներից։ Բայց սրանք այն հիմնական իրերն են, որոնք ես հատուկ ցանկացա ընդգծել։