Վերելք Արագածի հարավային գագաթ

Արագած լեռը, Հայաստանի ամենաբարձր գագաթը, քառագագաթ հանգած հրաբուխ է և համարվում է Հայաստանի լավագույն քայլարշավային ուղղություններից մեկը։

Նրա ձյունածածկ գագաթները, ընդարձակ ալպյան մարգագետիններն ու տպավորիչ հրաբխային լանդշաֆտները դեպի իրենց են ձգում քայլարշավի սիրահարներին աշխարհի տարբեր ծագերից։

Լուսանկարը արվել է Ապարանի ջրամբարի շրջանաձև արահետից

Արագած լեռն ունի չորս գագաթ, որոնք անվանակոչված են ըստ իրենց աշխարհագրական դիրքի․

• Հյուսիսային գագաթ — 4,090 մ․ — Հայաստանի ամենաբարձր գագաթը

• Արևմտյան գագաթ — 3,995 մ․

• Արևելյան գագաթ — 3,908 մ․

• Հարավային գագաթ — 3,888 մ․

Արագածի բոլոր 4 գագաթները

Արագած լեռան բոլոր չորս գագաթները հասանելի են արշավների համար և չեն պահանջում լեռնագնացության տեխնիկական հմտություններ։ Սակայն խորհուրդ է տրվում ունենալ լավ ֆիզիկական պատրաստվածություն, վերցնել բավարար քանակի ջուր և սնունդ, ինչպես նաև օգտագործել պրոֆեսիոնալ արշավային հանդերձանք։

Հատկապես պահանջված է հարավային գագաթը, քանի որ այն համեմատաբար հեշտ հասանելի է։ Հին ասֆալտապատ ճանապարհը տանում է մինչև 3 200 մ, որտեղ գտնվում է Քարի լիճը, տիեզերական ճառագայթների հետազոտական կայանը, օդերևութաբանական կայանը, և ռեստորան, որտեղ մատուցվում է ավանդական հայկական խաշ։

Սա Հայաստանի ամենաբարձր կետն է, ուր կարելի է հասնել սեդանով, և հենց այստեղից էլ սկսվում է մեր քայլարշավը։ Անցնելով 5.5 կմ ճանապարհ և հաղթահարելով 688 մ հարաբերական բարձրություն՝ գագաթ կհասնենք մոտ 2.5–3 ժամում։

Արշավը կսկսենք Քարե լճի ափից

Երևանից՝ Հանրապետության հրապարակից, մինչև երթուղու սկիզբ հեռավորությունը 60կմ է։ Եթե մեկնենք վաղ առավոտյան՝ խուսափելով խցանումներից, մոտավորապես 1 ժամ 10 րոպեում կհասնենք սկզբնակետին՝ Քարե լիճ։

Ճանապարհին մենք կունենանք կանգառ Արագածի գրավիտացիոն բլրի մոտ՝ եզակի վայր, որտեղ կարծես թե գրավիտացիան չի գործում և մարմինները գլորվում են դեպի վեր։

Խոր ձյան միջով մենք ճանապարհ ենք հարթում դեպի Արագածի հարավային գագաթ

Արագած լեռ բարձրանալը պարզապես քայլարշավ չէ․ դա հիշարժան բացօթյա արկած է՝ լի բացահայտումներով և հիացմունք առաջացնող պահերով։

Միացե՛ք ինձ, որպեսզի միասին բացահայտենք Հարավային Արագածի գեղեցկությունն ու գաղտնիքները և ստեղծենք հիշողություններ, որոնք կմնան ձեզ հետ ամբողջ կյանքի ընթացքում։

-----------------------

Տուրի մանրամասներ

• Մեկնարկը Երևանից՝ 07:30–08:00

• Վերադարձ Երևան՝ մոտ 17:00

• Քայլարշավի երկարությունը՝ 5.5 կմ (մեկ ուղղությամբ)

• Տևողություն՝ 2.5–3 ժամ (վերելք), իջնելը՝ մոտ 2 ժամ

• Բարձրության հավաքում՝ 688 մ

• Սկզբնակետ՝ Քարի լիճ (3200 մ)

• Ավարտ՝ Քարի լիճ (3200 մ)

• Դժվարության աստիճան՝ միջին

• Երթուղու տեսակը՝ գնալ–վերադառնալ

• Տրանսպորտ՝ սեդան

---------------

Տուրի գինը դեպի Արագածի հարավային գագաթ՝

Ընդհանուր գինը 1–4 մասնակցի համար՝ 90,000 ՀՀ դրամ է։

Մեծ խմբերի համար խնդրում ենք կապ հաստատել՝ լրացուցիչ մանրամասների համար։

 ----------------------

Գինը ներառում է՝

• Մեկնարկ և վերադարձ ձեր բնակության վայր (Երևանի սահմաններում)

• Տրանսպորտային ծախսեր (օդորակիչով մեքենա)

• Ուղեկցորդի ծառայություններ

-------------------

Գինը չի ներառում՝

• Տեղափոխում օդանավակայանից/օդանավակայան

• Ապահովագրություն

• Ճաշ (հավելավճարի դեպքում կարող ենք ապահովել lunchbox-եր)

________________________________________

Ի՞նչ վերցնել ձեզ հետ։

• Ուսապարկ – ամուր և հարմար ուսապարկ՝ բոլոր անհրաժեշտ իրերը տեղափոխելու համար։

• Ջուր – բավարար քանակությամբ ջուր՝ ամբողջ արշավի ընթացքում ջրազրկումից խուսափելու համար (առնվազն 1.5 լիտր)։

• Սնունդ – թեթև և բարձր կալորիականությամբ սնունդ՝ էներգիան պահպանելու համար։

• Հագուստ – հագնվեք շերտերով, պարտադիր ունեցեք ջրակայուն և քամուց պաշտպանող արտաքին շերտ։ Երկրորդ զույգ գուլպաներ ու կոշիկներ ունենալը ցանկալի է։

• Արշավային կոշիկներ – Տեղանքաին համապատասխան հարմարավետ և ամուր կոշիկներ։

• Առաջին օգնության դեղատուփ– ես ունեմ իմը, սակայն եթե օգտագործում եք հատուկ դեղամիջոցներ, անպայման վերցրեք ձեզ հետ։

• Արևապաշտպան միջոցներ – արևապաշտպան քսուք, արևային ակնոց և գլխարկ՝ ուլտրամանուշակագույն ճառագայթներից պաշտպանվելու համար։

• Գլխի կամ ձեռքի լապտեր – պարտադիր է վատ լուսավորության պայմաններում կամ գիշերակացով արշավների ժամանակ։

• Սուլիչ – բարձր ձայն ունեցող սուլիչ՝ արտակարգ իրավիճակներում ուշադրություն գրավելու համար։

• Արշավային ձեռնափայտեր – նրանք կապահովեն հավելյալ կայունություն բարդ տեղանքներով անցնելու համար։

• Անձրևանոց / ջրակայուն բաճկոն – թեթև և ջրակայուն բաճկոն կամ պոնչո՝ անձրևի ժամանակ չթրջվելու համար։

• Աղբի տոպրակ – փոքր տոպրակ՝ ձեր աղբը ձեզ հետ տանելու և արահետը մաքուր պահելու համար։

Հիշեք՝ այս ցանկը կարող է փոխվել՝ կախված արշավի տևողությունից և բարդությունից, եղանակային պայմաններից ու անձնական կարիքներից։ Բայց սրանք այն հիմնական իրերն են, որոնք ես հատուկ ցանկացա ընդգծել։